2019 оны аймгийн сургалтын төлөвлөгөөний хуваарьт тусгагдсны дагуу аймгийн төвд үйл ажиллагаа явуулж буй төсөвт байгууллагуудын нягтлан бодогчдын нэгдсэн сургалт өнөөдөр болж байна.

Сургалтад Төрийн аудитын газар, Санхүүгийн хяналт аудитын алба, Татварын хэлтэс, Эрүүл мэнд, нийгмийн даатгалын хэлтэс, Орон нутгийн өмчийн газар оролцож хууль тогтоомжийн өөрчлөлт, тэдгээрийн хэрэгжилт, үр дүнгийн талаар мэдээлэл өгч хамтран оролцлоо.

Энэхүү сургалтын үр дүнд төсөв, санхүүгийн үйл ажиллагааны 2018 оны үр дүн, 2019 оны төлөвлөлтийн хэрэгжилт, цаашид баримтлах үндсэн чиглэлийн талаар салбарын санхүүчдэд мэдээлэл өглөө. Мөн “Төсвийн сахилга бат-иргэдийн хяналт оролцоо хөтөлбөрийн хэрэгжилтийг дүгнэж, нягтлан бодогчдын санал сэтгэгдэлийг сонсож, хууль журмын хэрэгжилтэд хариуцлагатай анхаарч ажиллахыг үүрэг болголоо.