Увс аймгийн Гэмт хэргээс урьдчилан сэргийлэх ажлыг зохицуулах салбар, Улсын ерөнхий Прокурорын газар, аймгийн Прокурорын газар хамтран аймгийн Прокурор, Прокурорын туслах ажилтан, аймгийн Цагдаагийн газрын мөрдөгч нарт зориулсан сургалтыг энэ сарын 15-17-ны өдрүүдэд Улаангом хотноо зохион байгуулж байна.

Сургалтыг Улсын Ерөнхий Прокурорын газрын Сургалтын төвийн дарга М.Гантулга, Сургалтын төвийн хяналтын прокурор Г.Оюунболд, Баянгол дүүргийн Прокурорын газрын Ерөнхий прокурорын орлогч Б.Эрхэмбаяр, Чингэлтэй дүүргийн Прокурорын газрын ахлах прокурор Ж.Бат-Эрдэнэ нар удирдан явуулж байна.