Монгол Улсын Үндсэн хуульд оруулах нэмэлт, өөрчлөлтийн төслийн хэлэлцүүлэг эхэллээ.

Өнөөдөр аймгийн ИТХ, Улаангом сумын ИТХ-тай хамтран Монгол Улсын Үндсэн хуульд оруулах нэмэлт, өөрчлөлтийн төслийг Улаангом сумын 3,7,8,12-р багийн иргэдээр хэлэлцүүллээ.

Хэлэлцүүлгийг УИХ-ын хариуцлага, үйл ажиллагааг сайжруулах, Шүүх эрх мэдлийн хариуцлага, хараат бус байдал, Гүйцэтгэх эрх мэдлийн тогтвортой байдал, Нутгийн удирдлагын тогтолцоог боловсронгуй болгох тухай 4-н багЦ сэдвийн хүрээнд өрнүүлж, нэмэлт өөрчлөлт бүр дээр иргэдээс саналыг нь аван зарчмын зөрүүтэй саналуудыг багцлан албан тоотоор УИХ-ын тамгын газарт хүргүүлэхээр бэлтгэж байна.