Монгол Улсын Үндсэн хуульд оруулах нэмэлт өөрчлөлтийн төслийг Улсын Их Хурлаар хэлэлцэж байгаатай холбогдуулан төслийн талаарх танилцуулгыг нийт иргэдэд шуурхай хүргэн, мэдээллээр хангах ажлыг зохион байгуулах зайлшгүй шаардлага тулгарч байгаа билээ. Улсын Их Хурлын Төрийн байгуулалтын байнгын хороо, Улсын Их Хурлын Тамгын газар болон Үндсэн хуульд оруулах нэмэлт өөрчлөлтийн төслийг хоёр, гурав дахь хэлэлцүүлэгт бэлтгэх үүрэг бүхий дэд ажлын хэсэг хамтран аймаг, нийслэл, сум, дүүрэгт “Сургагч багш” бэлтгэх онлайн сургалт зохион байгууллаа.

Энэхүү сургалтад Увс аймгийн Засаг даргын Тамгын газрын дарга, иргэдийн Төлөөлөгчдийн Хурлын нарийн бичгийн дарга, Засаг даргын Тамгын газрын хууль, эрх зүйн хэлтсийн дарга нар болон сумдын Засаг даргын Тамгын газрын дарга , хууль эрх зүйн мэргэжилтнүүд хамрагдлаа.