Хяргас сум байгуулагдсаны түүхт 100 жилийн ой энэ онд тохиож байна. Хяргас сумын хөдөлмөрч, малч ард түмнээс “Улсын аварга малчин”-аар Хангай багийн малчин Ч.Гансүх, “Алтан төлийн эзэн”-ээр Хайрхан багийн малчин Т.Лхагвасүрэн, “Аймгийн аварга малчин”-аар Бугат багийн малчин Т.Цогтбаатар, С.Дондивсүрэн, О.Пүрэвцог, Хайрхан багийн малчин Ц.Насанжаргал, Н.Баасанжав, Т.Хоожин, Хангай багийн малчин Ц.Мягмаржав нарын шилдэг, сайчууд тодорч түүхт ойгоо бахдам амжилтаар угтаж байна.
Эх сайхан нутагтаа эрдэнэт мал сүргээ өсгөн үржүүлж, аймаг орон нутгийнхаа эдийн засаг, нийгмийн хөгжил дэвшилд бодитой хувь нэмэр оруулж, малч ухаан, хөдөлмөр зүтгэлээрээ бусдыгаа магнайлж 2021 оны “Аймгийн аварга малчин” болсон малчдын шагналыг аймгийн ИТХ-ын дарга Ц.Батболд, сумын ИТХ-ын дарга Б.Батцэнгэл, сумын Засаг дарга Х.Дашзэвэг нар ёслол төгөлдөр гардуулан өгч баяр хүргэлээ.
