ЕБ-ЫН 6 ДУГААР СУРГУУЛИЙН 2012-2024 ОНЫ ТӨГСӨГЧДИЙН #ЭРДМИЙН_БАЯР БОЛЛОО

Шарын гол сумын ерөнхий боловсролын 6 дугаар сургуулийн 2012-2024 оны төгсөгчдийн мөнгөн хонхны баярт ИТХ-ын дарга Г.Мөнхжаргал, ИТХ-ын Төлөөлөгч Г.Амарсанаа, ЗДТГ-ын дарга Г.Шинэхүү нар мэндчилгээ дэвшүүлж, сурах их эрдмийн аянд оюун ухаан, авьяас билэг, ур чадвараа дайчлан суралцсан төгсөгчдөд тус тус шагнал гардуулав.

Мөн гэмт хэрэг, зөрчлөөс урьдчилан сэргийлэх ажлыг зохицуулах салбар зөвлөлөөс суралцах хугацаанд сахилга бат, төлөвшил хүмүүжилтэй байж үе тэнгийнхэн, дүү нартаа зөв үлгэр дуурайлал үзүүлж манлайлан суралцсан суралцагч Э.Хуралайд өргөмжлөл, мөнгөн шагналаар шагнаж урамшуулан нийт төгсөгчид баяр хүргэж цаашдын сурлага хөдөлмөрийн амжилтыг хүслээ.