Өмнөговь аймгийн Номгон сумын нутагт байрлах 0131 ангийн Цагаан дэрсний завстав нь эрэлхэг хилчин Зэвэгийн Жигжидсүрэнгийн нэрэмжит застав боллоо. З.Жигжидсүрэн нь Хөвсгөл аймгийн Тариалан суманд1924 онд төрсөн. 1947 онд Өмнөговь аймгийн Номгон суман дахь Сангийндалай отрядын харъяа Гурван бичигтийн пунктын туслахаар томилогдон ажиллажээ. Энэхүү хугацаандаа Хятадын гоминданы 4 машинтай, зэвсэглэсэн 120 орчим хүмүүс улсын хил зөрчин орж ирснийг ганцаараа явж "Буун дуу гаргалгүй"-гээр цэргийн уран тактик хэрэглэн аймшиггүй эр зориг гарган буулган авсан  гавъяа байгуулсан эрэлхэг хилчин хүн юм.