Номгон сумын ИТХ-аас Гар бөмбөгийн спортыг хөгжүүлэх, эмэгтэйчүүдийн ур чадварыг дээшлүүлэх, эмэгтэйчүүд залуучуудын чөлөөт цагийг зөв боловсон өнгөрүүлэх, аливаа баяр ёслолыг архигүй тэмдэглэн өнгөрүүлэх зорилгоор Олон Улсын Эмэгтэйчүүдийн эрхийг хамгаалах өдөрт зориулж жил бүр уламжлал болгон зохион байгуулдаг Гар бөмбөгийн тэмцээнийг 2017.03.07-ний өдөр явуулж нийт 8 багийн 48 эмэгтэй тамирчдыг хамрууллаа. Тэмцээнийг ИТХ-ын тэргүүлэгч Н.Буянхишиг, А.Гантөмөр, Б.Дэлгэртогтох, Б.Улам-Өрнөх, З.Амарсанаа, Л.Пунцаг, Г.Хүдэрчулуун нар ивээн тэтгэж Шилжин явах цом, медаль, мөнгөн шагналаар тэргүүлсэн багийг шагнаж урамшууллаа. Тус тэмцээнд Ц.Баярмаа ахлагчтай баг тэргүүллээ.