Гэмт хэрэг, зөрчлөөс урьдчилан сэргийлэхэд хамгийн чухал хэрэгсэл нь камерын бичлэг байдаг тул сумын гэмт хэргээс урьдчилан сэргийлэх ажлыг зохицуулах салбар зөвлөлийн хуралдаанаар хүсэлт гаргасан сургууль, цэцэрлэгийн камержуулалтын асуудлыг хэлэлцэж шийдвэрлэн өнөөдөр /2024.10.29./ 14 дүгээр сургууль, 32 дугаар цэцэрлэгийг камержуулахад шаардлагатай байгаа тоног, төхөөрөмжийг гардуулж өглөө.

Гэмт хэргээс урьдчилан сэргийлэх ажлыг зохицуулах салбар зөвлөлөөс хүүхдийн эрүүл аюулгүй орчинд амьдрах, хөгжих, хамгаалуулах, нийгмийн харилцаанд оролцох эрхийг хангах, хамтарсан багаас үзүүлэх хүүхэд хамгааллын үйлчилгээний чанар хүртээмжийг нэмэгдүүлэх, хамтарсан багийн гишүүдийг чадавхжуулах зорилгын хүрээнд аймгийн Хүүхэд, гэр бүлийн хөгжил хамгааллын газартай хамтран 2024 оны 09 дүгээр сарын 18-ны өдөр сумын 3 хамтарсан багийн гишүүдэд онол, практикийг хослуулсан “Кейс менежментийн үйлчилгээ” сургалтыг зохион байгууллаа.

Аймгийн Хүүхэд, гэр бүлийн хөгжил, хамгааллын газрын хүүхдийн оролцоо хариуцсан мэргэжилтэн П.Сувдмаа, хүүхдийн эрхийн улсын байцаагч А.Мягмаржаргал нартай хамтран сумын ерөнхий боловсролын 11, 14 дүгээр сургуулийн ахлах ангийн сурагчдад ”Үе тэнгийн дээрэлхэлт”, “Гэмт хэрэг, зөрчлөөс өөрийгөө хамгаалах арга зүй” сэдэвт сургалтыг 2024 оны 09 дүгээр сарын 17-ны өдөр зохион байгууллаа.