Хурлаар дараах асуудлыг хэлэлцсэн. 1. Сумын гэмт хэргээс урьдчилан сэргийлэх ажлыг зохицуулах зөвлөлийн 2024 оны үйл ажиллагааны төлөвлөгөө батлах. 2. Баян сумын цагдаагийн хэсгийн танилцуулга. Сумын хэмжээнд гэмт хэргээс урьдчилан сэргийлэх үйл ажиллагааг эрчимжүүлэх, гарч байгаа гэмт хэргийн тоог бууруулах, холбогдох хууль тогтоомж, шийдвэрийг хэрэгжүүлэн ажиллах талаар хэлэлцсэн.

Монгол Улсын Засгийн газар, Жендэрийн үндэсний хорооноос НҮБ-ын Хүн амын сангийн дэмжлэгтэйгээр ХНХЯ, ГХУСАЗЗ-тай хамтран Олон улсын эмэгтэйчүүдийн эрхийг хамгаалах өдөр, Монгол цэргийн өдрийг тохиолдуулан 2024.03.01-2024.04.01-ний өдрийг хүртэл үндэсний хэмжээний “ХАРИЛЦАН ХҮНДЭТГЭЕ” нэг сарын аянд ИТХ-ын ажлын алба нэгдэж байна.

Аймгийн Засаг даргын 2024 оны А/164 дугаар захирамжийн дагуу "Өмч эзэмшүүлэх гэрээ"-г ИТХ-ын нарийн бичгийн даргатай байгууллаа.

Төв сайхан нутгийнхаа төгөлдөр алдрыг өргөж, Монгол улсын Шилдэг аймгаар 10 удаа шалгарахад үнэтэй хувь нэмэр оруулсан Баян сумын нийт төрийн албан хаагчид, аж ахуйн нэгж байгууллагууд,иргэд хөдөлмөрчдөд Шилдэг аймаг 10” цом, Батламж, Баян сумын Юлхорсүрэн хайрханы уран зургийн хамт дурсгал болголоо.

Малчид та бүхэн өөрсдийн өвөлжөө хаваржаанд болон ойролцоо бэлчээрт байгаа сэг зэмийг цуглуулан өөрт ойрхон устгалын цэгт тээвэрлэж хаяна уу. Ил задгай зориулалтын бус газар хаяхгүй байх тал дээр онцгой анхаарна уу!

Аймгийн Засаг дарга Д.Мөнхбаатар “Аймгийн Засаг даргын 2020-2024 оны үйл ажиллагааны хөтөлбөр”, “Залуучуудын манлайлал - Гэр бүлийн хөгжлийг дэмжих” урианы жилийн хүрээнд хэрэгжиж байгаа “Гэр” төсөлд хамрагдсан 27 сумын 60 өрхөд таван ханатай өргөө цагаан гэрийн “Батламж”-ийг гардуулан өгсөн бөгөөд Баян сумаас 2 өрх өргөө цагаан гэрийн батламжаа гардан авлаа

Хуралдаанаар хэлэлцэх асуудал: 1. ИТХ-ын 2024 оны хэлэлцэх асуудлын төлөвлөгөө батлах тухай 2. Бусад асуудлаар хуралдав.

2024 оны 02-р сарын 19-нөөс 2024 оны 03-р сарын 19-нийг хүртэл аян үргэлжилнэ.

Төв аймгийн Баян сумын түүхт 100 жилийн ойг угтсан эмэгтэйчүүдийн дуу хоолойг сонсох, ярилцах, сургалт мэдээлэл өгөх зорилготой манлайлагч-100 эмэгтэйчүүдийн зөвлөгөөн 2024 оны 03 дугаар сарын 07-ны өдөр зохион байгуулагдлаа.

2024 оны 03 дугаар сарын 02-ны өдөр Монгол бөхийн өргөөнд Баян сумын 100 жилийн ойд зориулсан барилдаанд Улс, аймгийн цолтой 128 бөх уран мэхийг уралдуулан барилдав. Хүчит бөхийн барилдааныг Төв аймгийн залуучуудын холбооны дэд тэргүүн, Төв аймгийн Дүнжингарав бөхийн дэвжээний гүйцэтгэх захирал, Төв аймгийн Баян сумын Засаг дарга М.Мөнх-Эрдэнэ нээж үг хэлсэн юм. Энэхүү барилдаанд МУ-ын заан Б.Бат-Өлзий түрүүлж, МУ-ын арслан Р.Пүрэвдагва үзүүрлэж, МУ-ын начин Д.Хүдэрбулга, Аймгийн арслан Н.Дашдаваа нар их шөвөгт шалгарлаа. Хүчит 128 бөхийн барилдааны дунд шөвөгт МУ-ын өсөх идэр начин Э.Даш, МУ-ын начин Б.Түвшинтөгс, Аймгийн арслан И.Мандах, Аймгийн заан Б.Даваадалай нар шалгарлаа.

2024 оны 02 дугаар сарын 28-ны өдөр сумын Иргэдийн төлөөлөгчдийн ээлжит бус хуралдаан хуралдаж байна. Хуралдаанаар хэлэлцэх асуудал: -Сонгуулийн хэсэг байгуулах тухай -ИТХ-ын зөвлөлийг шинэчлэн байгуулах тухай -ИТХ-ын хороодыг шинэчлэн байгуулах тухай -Бусад асуудлаар хуралдаж байна.

БАЯН СУМЫН ИТХ, АЖЛЫН АЛБАНААС 2-Р САРЫН ХИЙЖ ГҮЙЦЭТГЭСЭН АЖЛЫН МЭДЭЭ

“Малчдадаа тусалъя аян” сумын хэмжээнд өрнүүлж эхэлсэн бөгөөд тус аянд Д.Эрдэнэбаяр захиралтай “Ундарга интернешнл” ХХК-ны хамт олон нэгдэн Баян суманд 2024 оны 2 дугаар сарын 17-аас 18-нд шилжих шөнийн цасан шуурганаар зам нь хаагдсан малчдадаа цас зүсэж зам гаргах ажлыг зохион байгууллаа.

БАЯН СУМЫН ИТХ, АЖЛЫН АЛБАНААС 1-Р САРЫН ХИЙЖ ГҮЙЦЭТГЭСЭН АЖЛЫН МЭДЭЭ

Аймгийн Засаг даргын 2024 оны 01 сарын 09-ны өдрийн А/11-р захирамжийн дагуу "Согтууруулах ундааны эргэлтэд хяналт тавих, архидан согтуурахтай тэмцэх тухай", Зөвшөөрлийн тухай хууль 2023 онд шинэчлэгдэн батлагдаж тэдгээрийг хэрэгжүүлэхтэй холбогдуулан сумын нутаг дэвсгэрт согтууруулах ундаа худалдах, түүгээр үйлчлэх цэг салбарын үйл ажиллагаанд хяналт, шалгалт /аттестатчилал/-ыг ажлын хэсэг зохион байгуулж, үнэлэлт дүгнэлт хийж ажиллалаа. Үүнд 2024 оны 01-р сарын 15-16 ны өдрүүдэд нийт 10 дэлгүүр, 1 ресторанд хяналт шалгалт хийж ажиллав.

Ардчилсан Үндсэн хууль батлагдсаны 32 жил, Төв аймгийн Баян сум үүсэн байгуулагдсаны 100 жилийн ойг угтан зохион байгуулж буй Төрийн албан хаагчийн нэгдсэн зөвлөгөөн өнөөдөр зохион байгуулагдлаа. Зөвлөгөөний нээлтийн үйл ажиллагаанд Төрийн албаны зөвлөлийн Төв аймаг дахь салбар зөвлөлийн дарга, Төв аймгийн Засаг даргын Тамгын газрын дарга М.Отгонбат, Төрийн албаны зөвлөлийн Төв аймаг дахь салбар зөвлөлийн нарийн бичгийн дарга Г.Мөнхгэрэл, Баян сумын ИТХ-ын дарга Л.Батсуурь, Баян сумын Засаг дарга М.Мөнх-Эрдэнэ нар болон Баян сумын төрийн албан хаагчид оролцлоо.

Малчид та бүхэн албан татвараа төлөхдөө 99817509 дугаараар татварын улсын байцаагчтай холбогдон нэхэмжлэхийн дугаар аван хаан банк, төрийн банк, голомт банк, хас банкны интернет банк , хаан банкны киоск машин болон бүх банкны салбар тооцооны төвүүдээр дамжуулан 2023 оны 12-р сарын 15-наас өмнө төлнө үү.

Жилийн эцсийн хүн ам, мал, тэжээвэр амьтад, хашаа, худгийн 2023 оны тооллого 2023 оны 12 дугаар сарын 7-ноос 2023 оны 12 дугаар сарын 17-ны өдрүүдэд болно.

Энэ удаагийн хуралдаанаар: 1. Гэмт хэргээс урьдчилан сэргийлэх ажлыг зохицуулах сумын зөвлөл, дэд зөвлөлийг шинэчлэх байгуулах тухай 2. Сум байгуулагдсаны түүхт 100 жилийн ой зохион байгуулах сумын хороо байгуулах тухай 3. Сумын 2023 оны хөгжлийн жилийн төлөвлөгөөний хэрэгжилт дүгнэх тухай 4. Сумын Засаг даргын 2020-2024 оны үйл ажиллагааны хөтөлбөрийн явцын мэдээлэл 5. Түүхт ой-Бүтээн байгуулалтыг дэмжих урианы жилийн хэрэгжилт дүгнэх тухай 6. Сум үүсэн байгуулагдсаны түүхт 100-н жилийн ой угтаж хийх 100 бүтээлч ажлын төлөвлөгөөний явцын мэдээлэл 7. Сумын 2023 оны газар зохион байгуулалтын төлөвлөгөөний хэрэгжилт дүгнэх тухай 8. Сумын 2023 оны төсвийн гүйцэтгэлийн мэдээлэл /ХБГүйцэтгэлээр/ 9. Засаг даргын Тамгын газрын үйл ажиллагааны төлөвлөгөөний хэрэгжилт 10. Эрүүл мэндийн төвийн үйл ажиллагааны төлөвлөгөөний хэрэгжилт 11. Сургуулийн өмнөх боловсролын үйл ажиллагааны төлөвлөгөөний хэрэгжилт 12. Соёлын төвийн үйл ажиллагааны төлөвлөгөөний хэрэгжилт 13. Ерөнхий боловсролын сургуулийн үйл ажиллагааны төлөвлөгөөний хэрэгжилт 14. Ерөнхий боловсролын сургуулийн түүхт 80-н жилийн ойн арга хэмжээний мэдээлэл, хандивын зарцуулалтын тайлан зэрэг асуудлуудыг хэлэлцэн батална.

Төв аймгийн Баян сум үүсэн байгуулагдсаны түүхт 100 жилийн ойд зориулсан “Бидний нутаг Баян ” хүндэтгэлийн тоглолт 11 дүгээр сарын 30-ны өдөр урлаг, соёлын алдартнууд, үзэгч олны халуун дулаан уур амьсгал дунд амжилттай болж өндөрлөлөө.