Баян сумын ИТХ, ажлын албанаас 2023 оны 11-р сарын хийж гүйцэтгэсэн ажлын мэдээ

Монгол улс анхны үндсэн хуулиа баталж Бүгд Найрамдах Улсаа тунхагласны түүхт 99 жилийн ойн хүрээнд Төрийн албаны тухай хуулийн 5, 7 дугаар зүйл, 36 дугаар зүйлийн 36.1 дэх заалт, Төрийн албан хаагчийн ёс зүйн тухай хуулийн 6 дугаар зүйл, Монгол улсын Ерөнхийлөгчийн 1995 оны 109 дүгээр зарлигаар батлагдсан “Төрийн захиргааны албан хаагчийн тангараг өргөх ёслолын журам”-ыг тус тус үндэслэн ИТХ-ын ажлын албаны мэргэжилтэн Х.Дөлгөөн тангараг өргөлөө.

МУ-ын Үндсэн хуулийн өдрийг тохиолдуулан шатар сонирхогчдын анхан шатны “Сумын аварга шалгаруулах” тэмцээн зохион байгуулагдана. 2023 оны 11-р сарын 26-ны өдрийн 11:00 цагт сумын соёлын төвд болно. Шатар сонирхогч та бүхнийг өргөнөөр оролцохыг урьж байна. Холбоо барих утас: 95998898, 94051091

Салхи шуурга цас зудны үед иргэд, малчид малаа ойрын бэлчээрт хариулах, өндөр настан, бага насны хүүхдийг хараа хяналтгүй орхихгүй байх, бага насны хүүхдийг малд явуулахгүй байж болзошгүй эрсдэлээс урьдчилан сэргийлэхийг АНХААРУУЛЖ байна.

Гэмт хэрэг, зөрчлийн тухай ойлголт, хариуцлага, хүүхэд гэмт хэрэг үйлдэж, хохирч буй шалтгаан нөхцөл, гэмт хэрэг, зөрчлийн улмаас хүүхдийн эрүүл мэнд, сэтгэцэд учирдаг хор уршиг, цахим донтолтоос урьдчилан сэргийлэх талаар мэдээ мэдээлэл өгсөн.

Баян сумын Цавчир 3 дугаар багийн Эх булгийн малчдын бүлгийн дарга, Өгөөмөр 2 дугаар багийн Сондуул бүлгийн малчдын даргатай уулзаж Малчдын бүлгийн үйл ажиллагааг дэмжиж ажиллах гэмт хэрэг илрүүлэх, мал сүргээ хамгаалах чиглэлээр сайн ажилласан туршлагыг нь хэвлэл мэдээллийн хэрэгсэл, цахим орчноор дамжуулан дэлгэрүүлж Малчдын бүлгийг зохион байгуулалтаар ажиллахыг уриалсан.

ЭРДЭНЭТ МАЛ СҮРГЭЭ ЭЗЭНГҮЙ БҮҮ ОРХИ !!!

Төв аймгийн Цагдаагийн газрын Мал хулгайлах гэмт хэрэгтэй тэмцэх тасгаас “Хулгай, мал хулгайлах гэмт хэргээс урьдчилан сэргийлэх” сургалт зохион байгуулах тул иргэд, хөдөлмөрчид, малчид та бүхэн өргөнөөр оролцоно уу. 2023 оны 11-р сарын 01-ний өдөр Соёлын төвд 11:00 цагт болно.

Баян сумын итх, ажлын албанаас 2023 оны 10-р сарын хийж гүйцэтгэсэн ажлын мэдээ

Гэмт хэргээс урьдчилан сэргийлэх ажлыг зохицуулах салбар зөвлөл нь 2023 оны 10 дугаар сарын 25-ний өдөр хуралдаж дэд зөвлөлүүдийн ажлыг эрчимжүүлэх Иргэд, Байгууллага, аж ахуйн нэгжийн ажилтнуудад гэмт хэрэг, зөрчлийн талаар ойлголт, түүнээс урьдчилан сэргийлэх чиглэлээр сургалт, мэдээлэл өгөх ажлыг зохион байгуулах үүрэг чиглэл өгсөн.

Баян сумын 3 багийн "Тайлант өдөрлөг" Тус өдөрлөгийн үеэр иргэдэд цаг үеийн ажлаар мэдээлэл өгч, байгууллагууд төрийн үйлчилгээг иргэдэд хүргэнэ.

2023 оны 10 дугаар сарын 19-ний өдөр Хяналт шалгалтыг аймгийн Засаг даргын Тамгын газрын Хууль эрх зүйн хэлтсийн Улсын байцаагч Д.Сэдэд , ИТХ-ын нарийн бичгийн дарга Г.Урангоо, Хууль эрх зүйн мэргэжилтэн Б.Урангоо Хөдөө аж ахуйн тасгийн мэргэжилтэн А.Бадмаа нар хамтран Суманд худалдаа үйлчилгээ эрхлэгч иргэн, аж ахуй нэгж, байгууллагуудын бүтээгдэхүүн, үйлчилгээнд гардаг нийтлэг зөрчил дутагдлыг газар дээр нь арилгуулж хяналт шалгалт хийсэн

Монгол Улсын Их сургуулиас зохион байгуулж буй “Манлайлал-Шилжилтийн үеийн чадавхын хөгжил” эрдэм шинжилгээний олон улсын цуврал Xll дахь Төрийн бодлого сэдэвт олон улсын Хуралд Баян сумаас ИТХ-ын ажлын албаны мэргэжилтэн оролцсон.

Багийн иргэдийн нийтийн хурлаар Багийн Засаг даргын үйл ажиллагааны тайланд, өвөлжилтийн бэлтгэл ажлын талаар танилцуулж багийн иргэдийн дунд волейболын тэмцээн зохион байгуулсан.

БИНХ-аар хэлэлцэх асуудал: 1. Багийн Засаг даргын үйл ажиллагааны явцын тайланд үнэлэлт дүгнэлт өгөх 2. Өвөлжилтийн бэлтгэл ажлын талаар 3. Багануур-Чойр чиглэлийн 188 км цахилгаан дамжуулах агаарын шугамын төсөл танилцуулах 4. Бусад

2023 оны 10 дугаар сарын 04-ний өдөр Аймгийн ИТХ-ын Нарийн бичгийн дарга Ч.Жавзанпагмаар ахлуулсан ажлын хэсэг ИТХ-ын дотоод үйл ажиллагаатай танилцаж зөвлөн тусалж, мэргэжил арга зүйн зөвлөгөө өгч ажилсан.

Төв аймгийн Баян сумын ИТХ, ажлын албанаас 2023 оны 9-р сарын хийж гүйцэтгэсэн ажлын мэдээ

Улс төрийн хилс хэрэгт хэлмэгдэгсдийн дурсгалыг хүндэтгэх, залуус хойч үедээ түүхийн үнэнийг сануулж, учир шалтгаан хор уршиг, үр дагаврыг ойлгуулах зорилготой Баян сумын Ерөнхий боловсролын дунд сургуулийн сурагчдын дунд “Монголчууд бүү мартагтун” сэдвээр гар зургийн уралдаан зохион байгуулж 1 дүгээр байр 7а ангийн сурагч Г.Маралжингоо, 2 дугаар байр 7а ангийн сурагч П.Золбоо, 3 дугаар байр 6а ангийн сурагч Г.Билгүүнбаяр нар тус тус шалгарлаа. Оролцсон сурагчдадаа сурлаг хөдөлмөрийн амжилт хүсье

Улс төрийн хилс хэрэгт хэлмэгдэгсдийг санан дурсах, тэдний гэгээн дурсгалыг хүндэтгэх 28 дахь өдрийг тохиолдуулан улс төрийн хилс хэрэгт хэлмэгдэгсдийн дурсгалыг хүндэтгэж ИТХ-ын ажлын алба, ЗДТГ-ын хамт олон, хэлмэгдэгсдийн ар гэр, төрөл төрөгсөд Бамбар хийдэд 108 зул өргөлөө.