Аймгийн Засаг даргын орлогч Б.Жавхлангийн удирдлага дор өнөөдөр /2023.06.06/ Дархан-Уул аймгийн баяр наадмыг зохион байгуулах ерөнхий комисс хуралдлаа.

✅Улсын хэмжээнд зохион байгуулагдах “Стратегийн команд штаб”-ын сургууль болон Дархан-Уул аймагт зохион байгуулагдах “Гамшгаас хамгаалах иж бүрэн сургууль”-ийг зохион байгуулах нэгдсэн төлөвлөгөөний дагуу 2023 оны 06 дугаар сарын 06-ны өдөр Миний Монгол цэцэрлэгт хүрээлэнгийн хөлбөмбөгийн талбайд аймгийн Гамшгаас хамгаалах алба, ерөнхий болон тусгай зориулалтын мэргэжлийн ангиудын жагсаалын үзлэг, бэлтгэлийг зохион байгууллаа.

Аймгийн засаг даргын үйл ажиллагааны хөтөлбөрийн хүрээнд Орон нутгийн төсвийн хөрөнгө оруулалтаар Дархан хот тохижилт үйлчилгээний газарт Солонгос улсад үйлдвэрлэсэн HYUNDAI HX300 маркийн ухах, ачиж буулгах зориулалттай гинжит экскаваторыг нийлүүллээ. 825 сая төгрөгийн өртөгтэй тус техникт базагч, гидр алхыг нэмэлтээр суурилуулсан байна.

Аймгийн Засаг даргын үйл ажиллагааны хөтөлбөр, аймгийн ИТХ-аас баталсан “Боловсрол-2032” хөтөлбөр, багш сурагчдаас гарсан санал хүсэлтийн дагуу аймгийн хэмжээнд үйл ажиллагаа явуулж буй ЕБС-иудын сурагчийн ширээ, сандлыг стандартад нийцүүлэн шинэчлэн солих ажлыг үе шаттай хэрэгжүүлж байгаа.

Монгол Улсын Их хурлаас Улс төрийн хилс хэрэгт хэлмэгдэгчдийг цагаатгах, тэдэнд нөхөн олговор олгох тухай хуулийг 1998 онд баталсан бөгөөд цагаатгуулах тухай гомдлыг хүлээж авах хугацаа 2020 оны 12 дугаар сарын 31-ний өдөр дуусгавар болсон. Одоогийн байдлаар иргэдээс 200 гаруй иргэнийг цагаатгуулах тухай өргөдөл, гомдлыг Цагаатгах ажлыг удирдан зохион байгуулах улсын комиссын ажлын албанд ирүүлээд байна.

Дархан-Уул аймгийн ЗДТГ-ын дарга О.Хүрэлчулуун болон албаны бусад хүмүүс өнөөдөр /2023.06.05/ Дэзэрэт Олон улсын энэрлийн байгууллагын Бүсийн ерөнхийлөгч John McCune, эхнэр Debbra McCune болон байгууллагын бусад төлөөллийг хүлээн авч уулзлаа.

Голын эрэг дагуу болзошгүй үер, усны аюулаас урьдчилан сэргийлэх, иргэдэд анхааруулга зөвлөмж өгөх зорилгоор завьт болон хөдөлгөөнт эргүүл ажиллаж байна.

Аймгийн Иргэдийн Төлөөлөгчдийн Хурлын 8 дахь удаагийн сонгуулийн ээлжит 16 дугаар хуралдаанаас гарсан тогтоолын дагуу аймгийн тахилгат уул “Дархан Хайрхан”-ыг тайх ёслолыг өнөөдөр /2023.06.04/ зохион байгууллаа.

Аймгийн Иргэдийн Төлөөлөгчдийн Хурлын 8 дахь удаагийн сонгуулийн ээлжит 16 дугаар хуралдаанаар Дархан-Уул Аймаг-ийн тахилгат уул “Дархан Хайрхан”-ыг тайх ёслолыг 2023 оны 06 дугаар сарын 04-ний өдрийн билэгт сайн өдөр үйлдэхээр шийдвэрлэжээ.

#Эрсдэлгүй_Дархан_III_аян

Манай улсын хүн амын нас баралтын шалтгааны 85,9 хувийг халдварт бус өвчлөл эзэлдэг. Гурван хүн тутмын нэг нь зүрх судасны тогтолцооны өвчин, Дөрвөн хүн тутмын нэг нь хавдрын улмаас нас барж байна гэсэн эрүүл мэндийн статистик үзүүлэлт байдаг байна.

Хүүхэд багачууддаа зориулан замын хөдөлгөөнд аюулгүй оролцох талаар дүрмийг хүргэж байна.

Үндэсний аюулгүй байдлын зөвлөл, Монгол Улсын Шадар сайдын ажлын алба, Онцгой байдлын ерөнхий газар, Нийслэлийн Засаг даргын тамгын газар хамтран “Нийслэл Улаанбаатар хотод газар хөдлөлтийн гамшиг тохиолдож “Онц байдал тогтоосон үеийн төрийн байгууллагуудын харилцан хамтын ажиллагаа” сэдэвт стратегийн команд штабын сургуулийг 2023.07-09-ний өдрүүдэд зохион байгуулна.

Хүүхэд бүр эрүүл, жаргалтай, инээд хөөрөөр цалгиж байг ээ.

Аймгийн Иргэдийн Төлөөлөгчдийн Хурлын дэргэдэх орон тооны бус Иргэний зөвлөл 2023 оны 05 дугаар сарын 31-ны өдөр Орхон суманд ажиллаж, тус сумын Цагдаагийн хэсгийн үйл ажиллаагаатай танилцлаа.

🎉Хүүхдийн баярын үйл ажиллагааны хөтөлбөр

#Хүүхэд_хамгааллын_жил_2023 2022-2023 оны хичээлийн жилд Дархан-Уул аймгийн ЕБ-ын 12 дугаар ангийг нийт 1172 сурагч төгсөж байна. Төрийн болон хувийн хэвшлийн 24 сургуулиас 84 сурагч 48 улирал дараалан "А" үнэлгээтэй суралцаж, бусдыгаа манлайлжээ.

“Спецмаш 2023” үзэсгэлэнгийн хүрээнд ОХУ-ын хөдөө аж ахуйн машин, техник төхөөрөмж үйлдвэрлэдэг 20 гаруй үйлдвэрлэгчид Дархан-Уул аймгийн “Шимт Агро Холдингк” компаны ургацын талбайгаар зочлон тариалангийн үйл ажиллагаа, ашиглаж буй техник төхөөрөмжүүдтэй танилцлаа.

#Хүүхэд_хамгааллын_жил_2023 Дархан хотод хүүхдийн төлөө үйл ажиллагаагаа явуулдаг “СОС” хотхон болон “Нарны хүүхдүүд” төвийн хүүхдүүдэд аймгийн Засаг дарга эх үрсийн баярын бэлэг гардууллаа.

Аймгийн ИТХ-ын дарга С.Насанбатын санаачилгаар Орон нутгийн дээд байгууллага болох Нутгийн Өөрөө Удирдах Ёсны байгууллага, түүний бүтэц, зохион байгуулалт, ИТХ-аас батлан хэрэгжүүлж буй шийдвэр үйл ажиллагаа ард иргэдийн амьдралд хэрхэн тусгалаа олдог, ард түмнийхээ итгэлийг хүлээн сонгогдсон ИТХ-ын Төлөөлөгчдийн үүрэг оролцооны талаар сурагчид, залуу үеийнхэнд сурталчлан таниулах, тэдний мэдлэг боловсролыг дээшлүүлэх зорилгоор байгуулсан 2 дахь удаагийн “Өсвөрийн Парламент”-ын хаалтын үйл ажиллагаа /2023.05.31/ боллоо.